Qyzylordada jekemenshik balabaqshalar memleket qarjysyn jymqyrǵan
QYZYLORDA. QazAqparat - Qyzylorda oblystyq prokýratýrasy Qyzylorda qalalyq bilim bólimine tekserý júrgizdi. Atalmysh shara barysynda jekemenshik balabaqshalar tarapynan sýbsıdııa jymqyrýdyń júıelik shemasy anyqtaldy, dep habarlaıdy QazAqparat tilshisi oblystyq prokýratýraǵa silteme jasap.
«Tárbıelenýshiler sanyn arttyrý úshin jekemenshik balabaqsha ıeleri men meńgerýshiler jalǵan senimhattar kómegine júgingen. Sol senimhattardyń kómegimen ata-analardyń atynan halyqqa qyzmet kórsetý ortalyqtary arqyly balalardy ózderiniń mekemelerine aýystyrý týraly aryzdar toltyrǵan. Osyndaı jolmen olar memlekettik dotatsııa kólemin arttyryp otyrǵan», - delingen oblystyq prokýratýra habarlamasynda.
Atalǵan derekter boıynsha oblystyq prokýratýra tıisti oryndarǵa joldaý úshin 4 qujat tirkedi. Qazirgi tańda budan basqa 19,4 mln teńge bolatyn 5 qujatty tirkeý máselesi sheshilýde.
