Qyzylordada jeke úıden úsh adamnyń máıiti tabyldy
QYZYLORDA. QazAqparat - Qyzylorda oblysynda jeke úılerdiń birinen er azamat, áıel jáne kámelettik jasqa tolmaǵan balanyń máıiti tabyldy, dep habarlaıdy QazAqparat tilshisi.
Atalmysh oqıǵa Qarmaqshy aýdanyna qarasty Aqaı aýylynda oryn alǵan. Bul eldi meken Baıqońyr qalasynyń tap túbinde tur.
Qyzylorda oblystyq polıtsııa departamentiniń habarlaýynsha asa aýyr qylmystyq oqıǵa boıynsha ishki ister mınıstrliginiń Baıqońyr qalasyndaǵy ókildigimen birge tıisti is-sharalar qolǵa alynǵan.
«Atalmysh oqıǵa negizinde Qazaqstan Respýblıkasy Qylmystyq kodeksiniń 99-babynyń 2-bóligimen sotqa deıingi tergeý-tekserý amaldary júrgizilýde. Oqıǵanyń mán-jaıy anyqtalyp jatyr. Qalǵan málimetter Qazaqstan Respýblıkasy Qylmystyq-protsestik kodeksiniń 201-babynyń talaptaryna sáıkes jarııa etilmeıdi», - dedi Qyzylorda oblystyq polıtsııa departamenti bastyǵynyń mindetin atqarýshy Ǵanı Tólebaev.
Budan buryn Qyzylordada adamdardy qaqqan kólik ıesi izdestirilip jatqanyn habarlaǵan edik.
