Qyzylordada jedel járdem qyzmetine qońyraý shalatyndar sany 2 esege azaıdy
Qyzylorda oblysynda epıdemıologııalyq ahýal kúrdeli ýaqytta shaqyrtý óte kóp tirkeldi. Dálirek aıtqanda, maýsym aıynda jáne shilde aıynyń alǵashqy on kúndiginde táýligine 2500-den astam shaqyrtý tústi. Osylaısha atalǵan medıtsınalyq qyzmet túrine júkteme 2 esege artty.
«Jedel járdem qyzmetiniń artýyna baılanysty óńirde tıisti sharalar qolǵa alyndy. Oblystaǵy barlyq emhanalar janynan 161 mobıldi top quryldy. Qazirgi tańdaǵy mobıldi toptyń halyqqa jedel qyzmet jasaýy oń nátıjesin berdi. Osynyń áserinen jáne ahýaldyń turaqtalýyna baılanysty oblysta shaqyrtý sany da azaıdy», - dep málim etti jedel járdem qyzmetiniń mamandary.
Qazir jedel járdem boıynsha jalpy shaqyrý epıdemıologııalyq ahýal kúrdeli ýaqyttaǵydan 2 esege azaıdy. Al dene qyzýymen habarlasqan turǵyndar 3 esege kemidi. Oǵan qosa pnevmonııa boıynsha shaqyrtýlar 2,5 esege azaıdy. Qazirgi tańda táýligine 1200-1300 shaqyrtý túsedi.
Buǵan deıin Qyzylorda oblysynda aýyl jastarynyń aýrýhanaǵa qol ushyn sozǵandyǵy habarlanǵan bolatyn.