Qyzylordada jazasyn óteýshiler attestat aldy
Olar - jasóspirim kezinde qylmys jasap orta bilim alýǵa úlgermeı, jazasyn óteýge májbúr bolǵandar. Degenmen ZK-169/5 qaýipsizdigi aralas mekemesi janynda jalpy bilim beretin keshki mektep jumys isteıdi. Jazasyn óteýshiler sol mektepte oqyp, attestat alýǵa qol jetkizýine bolady.
Sondaı-aq, atalmysh mekeme janynda kolledj de bar. Onda jazasyn óteýshiler bilimin jalǵastyryp, bir mamandyq ıesi atanýǵa múmkindik jasalǵan. Qazirgi tańda 42 sottalýshy gaz-elektr dánekerleýshi jáne tiginshi mamandyqtary boıynsha bilim alyp júr. Bul oqý ornynda Qyzylorda qalasynda M.Yqsanov atyndaǵy «Qyzylorda qurylys jáne bıznes», «Qyzmet kórsetý jáne servıs» kolledjderiniń ustazdary bilim beredi.
«Jazasyn óteýshiler osynda merzimderi bitkenshe belgili bir mamandyqqa ıe bolady. Al, túzeý mekemesinen shyqqanda ózderiniń úırengen kásibi boıynsha eńbeý etýine barlyq múmkindik bar», - málim etti Qyzylorda oblysy boıynsha Qylmystyq atqarý júıesi departamentiniń baspasóz hatshysy Dana Dostanova.