Qyzylordada jazasyn óteýshi sýıtsıd jasady

QYZYLORDA. QazAqparat - Qyzylordada Qylmystyq-atqarý júıesi departamentine qarasty qaýipsizdigi aralas mekemesinde jazasyn óteýshi óz-ózine qol saldy, dep habarlaıdy QazAqparat tilshisi.

Oqıǵa ornyna jedel-tergeý toby, prokýratýra ókilderi jáne Qylmystyq-atqarý júıesi departamenti basshylyǵy bardy. Beınebaqylaý kameralarynan materıaldar zerdelenip, basqa sottalǵandarmen suhbat júrgizildi.

«Tekserý nátıjesinde oǵan qatysty zańsyz is-áreketter bolmaǵandyǵy anyqtaldy. Sýıtsıd jasaǵan azamat QR Qylmystyq kodeksiniń 24-baby, 3-bóligi, 99-baby 1-bóligimen sottalǵan.

Aıta ketý kerek, sottalǵan óz-ózine qol jumsaýǵa beıim retinde mekemeniń psıhologııalyq qyzmetiniń profılaktıkalyq esebinde turǵan. Sonymen qosa oǵan «organıkalyq gallıýtsınoz» dıagnozy qoıylǵan», - dep málim etti Qyzylorda oblysy boıynsha Qylmystyq-atqarý júıesi departamentinen.

Vedomstvo málimentinshe, qazirgi tańda qyzmettik tekseris taǵaıyndalyp, sotqa deıingi tergep-tekserý amaldary júrgizilýde.