Qyzylordada «Jaýjúrek myń bala» kartınasynyń kórsetilimi boldy
QYZYLORDA. 8 mamyr. QazAqparat - Keshe Qyzylorda qalasyndaǵy Y.Altynsarın atyndaǵy kınoteatrda «Bolashaq búginnen bastalady» atty respýblıkalyq aktsııanyń aıasynda «Qazaqfılm» kınostýdııasynan jaqynda shyqqan «Jaýjúrek myń bala» kartınasynyń tusaýkeser kórsetilimi bolyp ótti.
Kórsetilimge Qyzylorda qalasyndaǵy Makarenko atyndaǵy №1 jetim balalarǵa arnalǵan mektep-ınternattyń tárbıelenýshileri, turmystary tómen jáne kóp balaly otbasylarynan shyqqan balalar shaqyryldy. Bul sharany «Qazaqstan Respýblıkasy jergilikti soǵys jáne Aýǵanstan ardagerler odaǵy», «Qyzylorda oblystyq Chernobyl ardagerleri», «Arý ana», «Nevada-Semeı-Qyzylorda», «Batyr Ana» qoǵamdyq birlestikteri uıymdastyrdy.
Fılm kórermenderge qatty áser etti. Kópshilik sonymen birge onyń batystyq atys-shabys rýhynda túsirilgenine de baıqady.
