Qyzylordada jasyryn jumys jasap kelgen oıynhana tárkilendi
QYZYLORDA. Tamyzdyń 10-y. QazAqparat /Rýslan Igilik/ - Qyzylorda qalalyq ishki ister basqarmasynyń qyzmetkerleri jergilikti buqaralyq aqparat quraldarynyń ókilderimen birlesken túngi reıd ótkizdi.
Shara barysynda oblys ortalyǵyndaǵy kópqabatty turǵyn úılerdiń birine ornalasqan zańsyz oıynhana tárkilendi. Oqıǵa ornynan aıǵaq zat retinde 14 850 teńge aqsha, 8 kompıýter, 1 fleshka, 78 «VIP» karta dáleldeme retinde alyndy. Qazirgi tańda zańsyz ispen aınalysyp, aqshaǵa kenelgisi kelgen kásipker tergeýshi suraqtaryna jaýap berýde.
