Qyzylordada jasy jetpisten asqan eki qarııa koronavırýs juqtyrǵan
Qyzylorda oblystyq taýarlar men qyzmetterdiń sapasy men qaýipsizdigin baqylaý departamentiniń habarlaýynsha, aýrý juqtyrǵandardyń barlyǵy - Qyzylorda qalasynyń turǵyndary. Olar - 1947, 1948, 1972 jyly týǵan er jáne 1984, 1997 jylǵy áıel adamdar.
«Tórt adamnan PTR analızderi vırýs juqtyrǵan adammen qarym-qatynasta bolýyna baılanysty tekserildi. Al bireýinen QR Bas memlekettik sanıtar dárigeriniń qaýlysyna sáıkes qaýipti toptardy skrınıngteý kezinde alynǵan. Zertteý qorytyndysy naýqastardyń koronavırýs ınfektsııasyn juqtyrǵanyn kórsetti. Qazirgi tańda patsıentter aýrýhanaǵa oqshaýlandyrylyp, hattamaǵa sáıkes em qabyldap jatyr. Aýrý oshaǵynda mamandar indetke qarsy is-sharalar uıymdastyryp, qarym-qatynasta bolǵandar anyqtalýda», - dep málim etti vedomstvo ókilderi.
Qazir Qyzylorda oblysynda koronavırýs ınfektsııasyn juqtyrǵan 255 adam tirkelgen. Onyń ishinde 216 adam emdelip shyqqan.