Qyzylordada jastarǵa arnalǵan «Samǵa» jobasy bastaldy
Atalmysh joba Qyzylorda oblystyq «Jas Otan» jastar qanaty men «Kásipkerlerge qyzmet kórsetý ortalyǵy» kommýnaldyq memlekettik mekemesiniń birlesken jumysynyń nátıjesinde qolǵa alynyp otyr.
Negizgi maqsaty - jastar arasyndaǵy kásipkerlikti damytýǵa jan-jaqty qoldaý kórsetý jáne oqýshylardy, stýdentterdi, jalpy jastardy kásipkerlikke beıimdeý, sondaı-aq, olarǵa naryq talabyn úırete otyryp, bıznestiń jańa qyrlaryn meńgerýge jol ashý.
Oblys ákiminiń qoldaýymen 2017 jyly «Kásipkerlerge qyzmet kórsetý ortalyǵy» kommýnaldyq memlekettik mekemesi óz qyzmetin bastaǵan bolatyn. Ortalyq kásipkerlerge jer máselesi, sáýlet jáne qurylys, memlekettik kirister, qarjy ınstıtýttaryn qarjylandyrý sharttary, ınjenerlik kommýnıkatsııalarǵa qosylý, bankke deıingi jáne odan keıingi jobalardy súıemeldeý boıynsha qyzmet kórsetýdiń 70 túrin «bir ótinim» qaǵıdatymen aqysyz negizde kórsetedi.
