Qyzylordada jastardyń ómir súrý saltyna qatysty respýblıkalyq konferentsııa ótti

Atalmysh sharaǵa sonymen qatar QR Densaýlyq saqtaý mınıstrligi «Salaýatty ómir saltyn qalyptastyrý problemalarynyń ulttyq ortalyǵy» RMK dırektory Jámıla Battaqova, «Jynystyq jáne reprodýktıvtik densaýlyq jónindegi Qazaqstan qaýymdastyǵy» qoǵamdyq birlestiginiń tóraıymy Natalıa Rahalskaıa, QR Bilim jáne ǵylym mınıstrliginiń Balalar quqyǵyn qorǵaý komıteti tóraǵasynyń mindetin atqarýshy Erjan Ersaınov, BUU baǵdarlamalarynyń ókilderi, prokýrorlar men Qyzylorda oblystyq máslıhatynyń hatshysy, jastar densaýlyǵy ortalyqtarynyń, Qazaqstannyń basqa óńirlerinen kelgen densaýlyq saqtaý jáne bilim berý uıymdarynyń ókilderi qatysty.

 

Onda sóz sóılegen oblys ákimi Kósherbaev: «Birikken Ulttar Uıymynyń balalar qory - ıÝNISEF uıymynyń málimetteri boıynsha 5-ten 14 jasqa deıingi jasóspirimder arasyndaǵy sýıtsıd, ıaǵnı óz-ózine qol salý kórsetkishi boıynsha Qazaqstan álemdegi eń nashar on eldiń qatarynda. 15-ten 29 jasqa deıingi jastar arasyndaǵy sýıtsıd jıiligi boıynsha 4-shi orynda. Osyǵan oraı ótken jyly elimizdiń bilim jáne ǵylym, densaýlyq saqtaý jáne ishki ister mınıstrlikteri ıÝNISEF-pen birlese otyryp, bizdiń qoldaýymyzben Qyzylorda oblysynda sýıtsıdtiń aldyn alýǵa arnalǵan pılottyq jobany iske asyrdy. Búgingi konferentsııa aıasynda atalǵan bastamanyń nátıjeleri men ony jetildirý joldary jáne oblysymyzdyń osy oń tájirıbesin basqa da aımaqtarǵa taratý máseleleri talqylanady»,- dep atyp ótti.

 

Konferentsııada densaýlyq saqtaý uıymdarynyń basshylary, jastar arasyndaǵy sýıtsıdtiń aldyn alý máselesimen aınalysyp júrgen mamandar sóz sóıledi.

Konferentsııanyń plenarlyq jáne sektsııalyq otyrystary keshke deıin jalǵasty. Sondaı-aq qatysýshylar BAQ ókilderine brıfıng berip, perınataldyq ortalyqtyń, balalar aýrýhanasynyń, oblystyq medıtsına ortalyǵynyń jáne oblystyq jastar densaýlyq ortalyǵynyń jumystarymen tanysty.

 

Shara qorytyndysy boıynsha konferentsııa qonaqtaryna arnalǵan gala-kontsert uıymdastyryldy.