Qyzylordada jastar máselesine erekshe nazar aýdarylýda
Memleket basshysy Qasym-Jomart Toqaevtyń Joldaýynan týyndaıtyn mindetterdi óńirde júzege asyrý boıynsha basym baǵyttardy aıqyndaldy. Osy maqsatta oblys ákiminiń tóraǵalyǵymen ótken oblystyq aktıv otyrysynda Joldaýdy turǵyndar arasynda keńinen nasıhattaý maqsatynda arnaıy jospar bekitildi. Qazirgi tańda sol baǵytta tıisti sharalar qolǵa alynǵan.
Aqparattyq túsindirme jumystaryn kúsheıtý úshin arnaıy oblystyq medıa-jospar ázirlengen. Osy maqsatta sala basshylary men aýdan ákimderi arnaıy brıfıngter ótkizdi. Sondaı-aq, túsindirme jáne nasıhattyq jumystardy júrgizýge spıkerler pýly jasaqtaldy.
«Joldaýdaǵy basymdyqtardyń biri - jastar máselesi. Memleket basshysy NEET sanatyndaǵy jastar úshin tehnıkalyq jáne kásibı bilimniń tegin berilýi kerektigin aıtty. Bul tapsyrma boıynsha oblystaǵy NEET sanatyndaǵy jastardy anyqtaý jáne derekqoryn jasaqtaý, qoǵamǵa beıimdeý maqsatynda adrestik jumystar qolǵa alynǵan. Ol Qyzylorda qalasyna qarasty 7 aýyldyq okrýg jáne Jańaqorǵan aýdanynda júrgizildi. Nátıjesinde osy eldi mekenderdegi jastardyń áleýmettik mártebesi anyqtalyp, aqparattyq baza jasaldy. Jyl sońyna deıin barlyq aýdanda bul baǵytta tıisti jumystar atqarylady, - dedi oblystyq ishki saıasat basqarmasynyń basshysy Mıra Qazbekova.
Joldaýdaǵy taǵy bir baǵyt - jańa mádenıetti jáne onyń daryndy ókilderin dáripteý. Osy baǵytta ishki saıasat basqarmasy oblysta «Syr daryny», «Jas ǵalym-2022» oblystyq baıqaýlaryn ótkizýge nazar aýdardy. Oǵan qosa daryndy músinshiler, sýretshiler, teatr qyzmetkerleri, mýzykanttar men qalamgerlerlerdiń bastamalaryn qoldaý, patrıottyq tárbıe berýge negizdelgen «Aıbyn» jobasy, múmkindigi shekteýli jastardy qoldaýǵa baǵyttalǵan sharalar qarastyryldy.
Eske salsaq, budan buryn Qyzylordada erikti jastar turmysy tómen otbasyna baspana syılady.
