Qyzylordada jasóspirimdi qaqqan 32 jastaǵy júrgizýshi oqıǵa ornynan qashyp ketti
Qyzylorda qalasyndaǵy S.Tolybekov jáne M. Áýezov kósheleri qıylysynda jaıaý júrginshiler ótkelinde kele jatqan jasóspirimdi belgisiz avtokólik qaǵyp, oqıǵa ornynan boı tasalaǵan.
Jasóspirim dene jaraqatymen aýrýhanaǵa jatqyzyldy.
«Jol-kólik oqıǵasy boıynsha jedel izdestirý sharalary júrgizildi. Nátıjesinde kúdikti avtokólik ıesi anyqtaldy. Buǵan baılanysty 32 jastaǵy qala turǵynyna qatysty QR Ákimshilik quqyq buzýshylyq týraly kodeksiniń 610-babynyń 2-bóligi jáne 611-babynyń 2-bóligimen ákimshilik quqyq buzýshylyq týraly hattamalar toltyryldy. Jasóspirimniń ómiri men densaýlyǵyna qaýip joq. Túpkilikti sheshim qabyldaý úshin jınaqtalǵan qujattar sotqa jiberiledi», - dep málim etti Qyzylorda oblystyq polıtsııa departamentinen.
Eske salsaq, budan buryn Qyzylordada kólikke qysylyp qalǵan júrgizýshi qutqarylǵan bolatyn.
