Qyzylordada jasóspirimdi qaǵyp óltirgen mas júrgizýshi 1,5 jylǵa sottaldy
Oqıǵa ótken jyldyń 11 sáýirinde Syrdarııa aýdanyna qarasty Shaǵan aýylynda bolǵan. Sol kúni 43 jastaǵy azamat eldi meken kóshesiniń birinde «Mercedes-Benz 200 E» avtokóligimen kele jatyp, jyldamdyq rejımin asyrǵan.
Qarsy baǵytqa shyǵyp, óz jolymen kele jatqan velosıpedtegi jasóspirimdi qaǵyp ketken
«Jol-kólik oqıǵasynan alǵan dene jaraqaty saldarynan jasóspirim oqıǵa ornynda qaıtys bolǵan. Tekserý barysynda júrgizýshiniń rólde mas bolǵany anyqtaldy. Kúdiktiniń is-áreketi QR Qylmystyq kodeksiniń 345-babynyń 3-bóligimen saralandy», - dep málim etti Qyzylorda oblystyq polıtsııa departamentinen.
Vedomstvo málimetinshe, kúdiktiniń is-áreketine obektıvti tergep-tekserý áreketteri júrgizilidi. Qylmystyq is QR qylmystyq-protsestik kodeksiniń 300-babyna sáıkes, aıyptaý aktisimen sotqa joldandy.
Syrdarııa aýdandyq sotynyń úkimimen aıyptalýshyǵa 10 jyl merzimge kólik quralyn júrgizý quqyǵynan aıyra otyryp, 1 jyl 6 aı merzimge bas bostandyǵynan aıyrý jazasy taǵaıyndalǵan.
Eske salsaq, budan buryn Qyzylordada múgedekterdiń járdemaqysyn jymqyryp, ony qumar oıyndaryna jumsaǵandar ustaldy.
