Qyzylordada jasóspirimdi qaǵyp, qashyp ketken júrgizýshi ustaldy
Qyzylorda qalasy Polıtsııa basqarmasynyń 102 arnasyna oblystyq balalar aýrýhanasynan jol-kólik oqıǵasy saldarynan dene jaraqatymen jasóspirim túskeni jóninde degen habarlama keldi. Tekserý barysynda Baıseıitova kóshesi boıyndaǵy jaıaý júrginshiler ótkelinde jasóspirimdi qaǵyp ketken kólik ıesi oqıǵa ornynan boı tasalaǵany anyqtaldy.
«Bul boıynsha jedel túrde izdestirý sharalary júrgizildi. Sol arqyly kúdikti avtokólik anyqtaldy. Kólik tizgindegen qala turǵynǵa qatysty QR Ákimshilik quqyq buýshylyq týraly kodeksiniń 610-babynyń 2-bóligi jáne 611-babynyń 2-bóligimen ákimshilik quqyq buzýshylyq týraly hattama toltyryldy. Jaıaý júrginshiniń ómiri men densaýlyǵyna qaýip joq. Túpkilikti sheshim qabyldaý úshin jınaqtalǵan qujat sotqa jiberiledi», - dep málim etti Qyzylorda oblystyq polıtsııa departamentinen.
Eske salsaq, budan buryn Qazalyda jol apatynan bir adam qaza taýyp, ekeýi jaraqat aldy.
