Qyzylordada jasóspirimder arasynda jappaı tóbeles boldy
QYZYLORDA. QazAqparat - Qyzylorda qalasynda túngi ýaqytta jasóspirimder ózara kelispeı, jappaı tóbeles boldy, dep habarlaıdy QazAqparat tilshisi.
Oqıǵa Qyzylorda qalasynyń ortalyq bóliginde boldy. Túngi ýaqytta jasóspirimder ózara kelispeı, shý shyǵarǵan. Sol jerde patrýldik polıtsııa qyzmetkerleri birneshe jasóspirimdi ustady.
«Kámeletke tolmaǵandar qalalyq polıtsııa basqarmasyna jetkizildi. Dene jaraqatyn alyp, zardap shekkender joq. Bul derek boıynsha QR Qylmystyq kodeksiniń 293-baby (Buzaqylyq) boıynsha sotqa deıingi tergep tekserý amaldary bastaldy. Oqıǵanyń barlyq mán-jaıy anyqtalýda», - dep málim etti Qyzylorda qalalyq polıtsııa basqarmasynan.
Eske salsaq, budan buryn Qyzylorda oblysy Qarmaqshy aýdanynda jasóspirimder arasynda jappaı tóbeles boldy.
