Qyzylordada jasóspirim júrgizgen kólik apatqa ushyrady

QYZYLORDA. QazAqparat -Qyzylorda qalasynda 15 jastaǵy jasóspirim júrgizgen kólik apatqa ushyrady, dep habarlaıdy QazAqparat tilshisi.

Oqıǵa Abaı dańǵyly men Q.Ajarov kóshesiniń qıylysynda bolǵan. 2004 jyly dúnıege kelgen jasóspirim «Nissan Europe» kóligimen Tasbóget baǵytyna kele jatqan. Sol sátte aldynda ketip bara jatqan «Renault Duster» avtokóliginiń artqy jaǵynan soqqan.

«Nátıjesinde júrgizýshi men onyń balasy jeńil jaraqat alǵan. Basqa zardap shekkender joq. Tıisti sot-medıtsınalyq saraptama taǵaıyndaldy, qorytyndysy boıynsha sheshim qabyldanady», - dedi Qyzylorda oblystyq polıtsııa departamenti.

Esterińizge sala ketelik, budan buryn Qyzylordada jol-kólik oqıǵasynan mototsıkl júrgizýshisi kóz jumǵanyn habarlaǵan edik.