Qyzylordada jasóspirim qyzǵa azǵyndyq áreket jasaǵan kúdikti ustaldy
QYZYLORDA. QazAqparat - Qyzylorda oblysy Qazaly aýdanynda 17 jastaǵy jasóspirim qyzǵa azǵyndyq áreket jasaǵan kúdikti adam qolǵa tústi, dep habarlaıdy QazAqparat tilshisi.
Oqıǵa Qazaly aýdanynda tirkelgen. Eki jasóspirim qyz Qyzylordadan qydyryp barǵan. Olardyń úlkenine er adam azǵyndyq áreket jasaǵan.
Bul oqıǵany jóninde Qyzylorda oblystyq polıtsııa departamentiniń baspasóz qyzmeti tómendegishe túsinikteme berdi.
«Atalǵan derek boıynsha QR Qylmystyq kodeksiniń 120-baby boıynsha sotqa deıingi tergep-tekserý amaldary júrgizilýde. Kúdikti ýaqytsha ustaý abaqtysyna qamaýǵa alyndy. Tıisti saraptamalar taǵaıyndaldy. QR Qylmystyq-protsestik kodeksiniń 201-babynyń talaptaryna sáıkes, sotqa deıingi tergep-tekserý derekterin jarııa etýge jol berilmeıdi», - dep málim etti departamenttiń baspasóz qyzmetinen.
Eske salsaq, buǵan deıin Qyzylordada búldirshin qyzǵa azǵyndyq áreket jasamaq bolǵan kúdiktiniń ustalǵanyn habarlaǵan bolatynbyz.
