Qyzylordada jasóspirim qyzdy zorlaýǵa oqtalǵan kúdikti qolǵa tústi
QYZYLORDA. QazAqparat - Qyzylorda qalasynda jasóspirim qyzdy zorlaýǵa oqtalǵan kúdiktini polıtsııa qyzmetkerleri qolǵa túsirdi, dep habarlaıdy QazAqparat tilshisi.
Bul oqıǵa Qyzylorda qalasyndaǵy móltekaýdandardyń birinde oryn alǵan. Kúdikti oqıǵa ornynan boı tasalap úlgergen. Degenmen polıtsııa qyzmetkerleriniń izdestirý jumystarynyń nátıjesinde kúdikti qolǵa tústi. Onyń Qyzylorda qalasynyń turǵyny ekeni belgili boldy.
«Sotqa deıingi tergep-tekserý jumystaryn júrgizý barysynda kúdikti tulǵa ýaqytsha ustaý ızolıatoryna qamaqqa alyndy. Qazaqstan Respýblıkasy Qylmystyq-protsestik kodeksiniń 201-babynyń talaptaryna sáıkes qalǵan málimetter jarııa etilmeıdi», - delingen Qyzylorda oblystyq polıtsııa departamenti taratqan habarlamada.
Atalmysh qylmystyq is boıynsha Qazaqstan Respýblıkasy Qylmystyq kodekisiniń 24-baby 3-bóligimen, 120-babynyń 3-bóligimen sotqa deıingi tergep-tekserý amaldary júrgizilýde.
2018 jyldyń qazan aıynyń basynda da Qyzylordada jasóspirim qyzǵa jynystyq sıpattaǵy áreket jasaǵan kúdikti ustalǵan edi.
