Qyzylordada jasóspirim 2 qyz eki kúnnen beri tabylmaı jatyr

QYZYLORDA. QazAqparat - Qyzylorda qalasynda 14 jáne 16 jastaǵy eki jasóspirim qyz eki kúnnen beri tabylmaı jatyr, dep habarlaıdy QazAqparat tilshisi.

Qyzylordada 8 qarashada 14 jastaǵy Jansulý Asanova men 16 jastaǵy Arnur Tynyshtybaı úıinen belgisiz baǵytqa shyǵyp ketip, qaıta oralmaǵan.

Osyǵan baılanysty Qyzylorda qalalyq polıtsııa basqarmasy izdeý salady.

«Atalǵan habarlama boıynsha qandaı da bir aqparat nemese júrgen jeri týraly málimet bilgen jaǵdaıda tómende kórsetilgen telefon nómirlerine habar berýlerińizdi suraımyz: 8(7242)-29-75-20 nemese 102 arnasyna qońyraý soǵýǵa bolady», - dep málim etti Qyzylorda qalalyq polıtsııa basqarmasynan.

Eske salsaq, budan buryn Qyzylordada eki aı habarsyz ketken 26 jastaǵy turǵyn aman-esen tabylǵan edi.