Qyzylordada «Jasampaz 25 jyl» atty saltanatty shara ótti
Atalmysh shara «Dostyq úıiniń» aldynan bastaldy. Kelgen qonaqtardy oblystyq etnomádenı birlestiktiń jetekshileri men jastary «Otanyma myń alǵys», «Jasampaz 25 jyl» tilekterimen qarsy aldy. Saltanatty sharaǵa qatysýshylar «Dostyq úıinde» ázirlengen biregeı eksponattardy, etnostardyń ulttyq kıimderin, turmys zattaryn tamashalady.
Saltanatty sharanyń ashylýynda oblys əkimi, oblystyq QHA tóraǵasy Qýanyshbek Ysqaqovt óz lebizin bildirdi.
«Bıyl qasıetti qazaq jerin tatýlyqtyń talbesigi etip, eń jaýapty kezeńinde birligimizdiń bastaýy bolǵan Qazaqstan halqy Assambleıasyna 25 jyl tolyp otyr. Bul – Qazaqstan halqy Assambleıasynyń mereıin asyrý arqyly el birligin nyǵaıta túsetin jyl. Táýelsizdik alǵan tusta elimiz qıyn tańdaý aldynda turdy. Qazaqstan halqy Assambleıasy – kúrdeli kezeńde berekeli bolashaǵymyzdy birlikpen baılanystyrǵan dáýirdiń belesinde quryldy. Búgingi kúni qoǵamdyq qaýipsizdik pen el tynyshtyǵyn qamtamasyz etýge, ortaq úıimizdegi tatýlyq pen beıbitshilikti saqtaýǵa shaqyrýǵa baǵyttalǵan jumystardy jetildirý mańyzdy. Osy oraıda, biz qazaqy qaımaǵy buzylmaǵan Syr óńiriniń myzǵymas birligi men árbir azamattyń Otanǵa degen máńgilik súıispenshiligin odan ári ulyqtaı túsýimiz qajet. Tatý elde tynyshtyq ornaıdy, beıbit elde ǵana bereke bolady», - dedi oblys ákimi.
Merekelik sharaǵa Baıqońyr qalasy ákimshiliginiń basshysy Konstantın Býsygın, RF Almatydaǵy Bas konsýldyǵynyń ókili Olga Moşeeva qurmetti qonaq retinde qatysty. Sondaı-aq Baıqońyrdan kelgen ónerpazdar sahnaǵa shyǵyp, arnaıy əzirlegen baǵdarlamalaryn usyndy. Sharanyń taǵy bir ereksheligi koreı etnos ókilderiniń qazaqtyń ulttyq bıin, túrli etnos ókilderi «Syr sulýy» ánin ásem oryndap, shyrqady.
Taǵylymdy shara barysynda oblystyq assambleıa negizin qalaýǵa atsalysqan Ge Hak Rım, Motel Zelekovıch jáne Assambleıanyń qurylǵan jylynan bastap belsendi jumys istep kele jatqan oblystyq etnomádenı birlestik jetekshileriniń arnaıy beınerolıgi kópshilik nazaryna usynyldy. Sonymen birge, yntymaǵy jarasqan, birligi bekem Jalaǵash aýdany Buqarbaı aýyly, Qarmaqshy aýdany III ınternatsıonal aýyldaryndaǵy etnos ókilderiniń joldaǵan jyly lebizderi tyńdaldy.
Merekelik sharaǵa Baıqońyr qalasy ákimshiliginiń basshysy Konstantın Býsygın, RF Almatydaǵy Bas konsýldyǵynyń ókili Olga Moşeeva qurmetti qonaq retinde qatysty. Sondaı-aq Baıqońyrdan kelgen ónerpazdar sahnaǵa shyǵyp, arnaıy əzirlegen baǵdarlamalaryn usyndy. Sharanyń taǵy bir ereksheligi koreı etnos ókilderiniń qazaqtyń ulttyq bıin, túrli etnos ókilderi «Syr sulýy» ánin ásem oryndap, shyrqady.
Taǵylymdy shara barysynda oblystyq assambleıa negizin qalaýǵa atsalysqan Ge Hak Rım, Motel Zelekovıch jáne Assambleıanyń qurylǵan jylynan bastap belsendi jumys istep kele jatqan oblystyq etnomádenı birlestik jetekshileriniń arnaıy beınerolıgi kópshilik nazaryna usynyldy. Sonymen birge, yntymaǵy jarasqan, birligi bekem Jalaǵash aýdany Buqarbaı aýyly, Qarmaqshy aýdany III ınternatsıonal aýyldaryndaǵy etnos ókilderiniń joldaǵan jyly lebizderi tyńdaldy.
