Qyzylordada jas memlekettik qyzmetshilerdiń tuńǵysh sleti ótti

ASTANA. QazAqparat - 12-13 mamyr kúnderi Qyzylorda qalasynda aımaqtyq jas memlekettik qyzmetshilerdiń sleti ótti.  Elimizde tuńǵysh ret uıymdastyrylǵan sharaǵa Jambyl, Ońtústik Qazaqstan, Aqtóbe, sonymen qatar, Qyzylorda oblysynyń jas memlekettik qyzmetshileri qatysty.

Slet aıasynda Qyzylorda oblysynyń ákimi Q.Kósherbaevtyń jáne QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń apparat basshysy S.Ahmetjanovtyń qatysýymen «Damyǵan 30 eldiń qataryna kirýde jastardyń roli» atty forým uıymdastyryldy.

Forým barysynda oblys ákimi Qyrymbek Eleýuly Elbasynyń kásibı memlekettik apparat qurýǵa basa nazar aýdarǵanyn aıta kele, ony sátti iske asyrý úshin qajetti zamanaýı tásilderdi atap ótti.

Q.Kósherbaev naryq zamanyndaǵy memlekettik menedjmentti damytýda  jobalyq basqarý tájirıbesin engizýdiń mańyzdylyǵyna da erekshe toqtaldy. Sonymen qatar, aımaq basshysy memlekettik qyzmetke bilimdi, bilikti jastardy, onyń ishinde «Bolashaq» baǵdarlamasymen bilim alǵan azamattardy tartý máselesin qozǵady.

Jıynda sóz alǵan S.Ahmetjanov memlekettik qyzmet salasyndaǵy reformalarǵa toqtaldy.

Forýmǵa qatysqan 300-ge jýyq memlekettik qyzmetshi memlekettik qyzmet salasyndaǵy ótkiz, ózekti problemalardy qozǵap, usynystaryn ortaǵa saldy.

Aıta keteıik, eki kúnge sozylǵan shara barysynda ár aımaqtan kelgen memlekettik qyzmetshiler Qyzylorda oblysyndaǵy tarıhı-mádenı oryndardy aralap, sonymen qatar, memlekettik qyzmetshiler arasynda uıymdastyrylǵan sporttyq sharalarǵa qatysty.

Slet aıasynda 5 shaqyrymdyq «Adal jol» marafony uıymdastyryldy, dep habarlaıdy QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qyzylorda oblysy boıynsha departamenti.