Qyzylordada jas ınspektorlardyń respýblıkalyq sleti ótedi
QYZYLORDA. QazAqparat - Qyzylorda qalasynda Ǵ.Baıtasov atyndaǵy qozǵalystyń jas ınspektorlarynyń respýblıkalyq sleti ótedi. Bul shara QR Іshki ister mınıstrliginiń Ákimshilik polıtsııa komıtetiniń bastamasymen qolǵa alynyp otyr, dep habarlaıdy QazAqparat tilshisi.
Respýblıkalyq sletke barlyǵy 190 bala keledi dep kútilýde. Olardyń arasynda Qazaqstannyń óńirlik jarystarynyń jeńimpazdary, sondaı-aq Belarýs, Qyrǵyz Respýblıkasynyń jáne Reseı Federatsııasynyń komandalary qatysady.
Atalmysh sharaǵa Qyzylorda oblysynyń ákimdigi men oblystyq ishki ister departamenti jáne Qazaqstandaǵy «Shell» kontserni qoldaý bildirip otyr.
«Qyzylordada ótetin slet baǵdarlamasynda «Saptyq baıqaý», «Jas retteýshi», «Jol-qozǵalys erejeleri bilgirleri», «Jas sanıtar», «Erýdıtter týrnıri», «Úgit brıgadalary konkýrsy» atty saıystar bar. Sondaı-aq, velosıpedti mánerlep júrgizý jáne ony avtoqalashyqta júrgizý jónindegi jarystar qamtylǵan.
Budan bólek, slet baǵdarlamasynda polıtsııa qyzmetkerleri men bilim berý júıesiniń jumyskerleri arasynda konkýrstar ótkizilgeli otyr, olardyń nátıjeleri jalpykomandalyq esepke alynady», - dep atap ótti QR ІІM Ákimshilik polıtsııa komıtetiniń resmı ókili Aqtoty Boranova.
Respýblıkalyq slettiń ashylý rásimi 22 tamyzda ótkiziledi. Bıylǵy jyly qozǵalys negizgi qalanǵan kúninen bastap 45 jyldyǵyn atap ótedi.
Eske sala ketsek, 2001 jyldan QR Іshki ister mınıstrligi Jol polıtsııasy komıteti bula sharany qaıta jańǵyrtyp, turaqty túrde ótkizip keledi.
