Qyzylordada jas arhıvıster baıqaýy ótti

QYZYLORDA. QazAqparat - Qyzylordada respýblıkalyq jas arhıvıster konkýrsy máresine jetti. Respýblıkalyq konkýrs 24-25 qyrkúıek kúnderi ótkizildi, dep habarlaıdy QazAqparat tilshisi.

Atalmysh shara Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamasy aıasynda qolǵa alyndy. Respýblıkalyq konkýrs bıyl elimizde atalyp ótip jatqan Jastar jylyna oraılastyryldy. Ony QR Prezıdenti arhıvi men Qyzylorda oblysynyń mádenıet, arhıvter jáne qujattama basqarmasynyń uıymdastyrdy. Respýblıkalyq konkýrs bıyl úshinshi márte ótkizilip otyr. Oǵan QR Prezıdenti arhıvi jáne Almaty, Jambyl, Túrkistan, Atyraý, Batys Qazaqstan jáne Qyzylorda oblysynan 8 komanda qatysty.

Eki kúndik baǵdarlamany qamtıtyn konkýrsta komandalar 4 saıys boıynsha sheberlik synasty. Konkýrs barysynda jas arhıvıster tıisti zańnamalar boıynsha test tapsyrdy. Qyzylorda qalasynda jańadan paıdalanýǵa berilgen arhıv ǵımaraty jáne qujattyq kórmelermen tanysty.

Konkýrsqa qatysýshy jastar Qyzylorda qalasynyń sol jaǵalaýyna ornalasqan Jastar resýrstyq ortalyǵynda baq synasty. Konkýrsty oblys ákiminiń orynbasary Naýryzbaı Baıqadamov ashyp, komandalarǵa sáttilik tiledi.

Bul kúni komandalar «Arhıv jastary - bolashaqqa jol bastar» taqyrybynda sálemdesý, arhıv jumysy týraly vıdeorolık jáne úıge berilgen tapsyrma «Bizdiń arhıvtiń jeti qyry» taqyrybynda saıysqa tústi. Eki kúnge sozylǵan respýblıkalyq konkýrsta qazylar alqasynyń qortyndysymen júldeger komandalar anyqtaldy. Bas júldeni Qyzylorda oblysynyń «Syr jastary» komandasy jeńip aldy. Odan keıingi orynǵa QR Prezıdenti arhıviniń «Jas qyran» komandasy ıe boldy.

Sondaı-aq, Qyzylordada dástúrli aqyndar mektebi ashylady.