Qyzylordada jarty mıllıonǵa jýyq turǵyn vaktsına aldy

QYZYLORDA. QazAqparat - Qyzylorda oblysynda 420 myń adam koronavırýsqa qarsy vaktsınanyń birinshi komponentin saldyrdy, dep habarlaıdy QazAqparat tilshisi.

Búgingi kúnge deıin óńirde 420 094 adam koronavırýsqa qarsy vaktsınanyń birinshi komponetin saldyrdy.

Bul - ekpe qabyldaýǵa qabiletti turǵyndardyń 92,8 paıyzy. Al ekinshi komponentin 405 854 adam saldyrdy.

«Oblys boıynsha koronavırýs ınfektsııasyna qarsy ımmýndaý naýqanyna 106 ekpe kabıneti qurylǵan. Odan bólek shalǵaıdaǵy eldi mekenderde, uıymdasqan ujymdarda, adamdar kóp jınalatyn jerlerde jyljymaly egý brıgadalry iske qosylǵan. Bul oryndar koronavırýs ınfektsııasyna qarsy vaktsınatsııalaý júrgizý úshin arnaıy oqytylǵan medıtsınalyq personalmen jasaqtalǵan. Búgingi kúni 36 jyljymaly brıgadanyń jumysy uıymdastyrylǵan» - dep málim etti Qyzylorda oblystyq Sanıtarııalyq-epıdemıologııalyq baqylaý departamentiniń baspasóz hatshysy Aıman Janahaeva.

Vedomstvo málimetinshe, ekpe kabınetteri «salqyn tizbek» qaǵıdatyn saqtaý maqsatynda qajetti muzdatqysh jabdyqtarmen, muzdatý elementterimen qamtamasyz etilgen.

Oblys azamattaryn vaktsınalaýǵa «QazVac», «Sinovac», «Pfizer» preparattary qoldanylyp jatyr.

Eske salsaq, Qyzylorda oblysynda 28 myńnan astam adam «Pfizer» vaktsınasyn saldyrdy.