Qyzylordada japan túzde joǵalǵan qoıshy jigit eki kúnnen keıin tabyldy
QYZYLORDA. QazAqparat - Qyzylorda oblysy Jańaqorǵan aýdanynda 19 jastaǵy qoıshy eki kúnnen keıin tabyldy, dep habarlaıdy QazAqparat tilshisi.
Oqıǵa Jańaqorǵan aýdanyna qarasty Súttiqudyq aýylynan shyǵysqa qaraı 50-55 shaqyrym qashyqta ornalasqan Dıirmen degen jerde bolǵan.
«Ol 4 mamyr shamamen saǵat 14.30-da sol aýmaqtan belgisiz baǵytqa shyǵyp ketken. Sodan beri habarsyz bolǵan. Jedel qutqarý jasaǵynan ÝAZ kóligimen 4 qutqarýshy oqıǵa ornyna bardy. Jas jigitti ákesi taýǵa qaraı 50 shaqyrym jerden aman-esen taýyp aldy», - dep málim etti órt sóndirý jáne avarııalyq-qutqarý qyzmetiniń baspasóz hatshysy Álııa Erejepova.
Eske salsaq, Qyzylorda qalasynda 27 jastaǵy qyz on kúnnen beri izdestirilip jatyr.
