Qyzylordada janýarlardan zardap shekken 290 adam dárigerlerdiń kómegine júgindi
Bıyl óńirde jyl basynan beri asa qaýipti qutyrma aýrýyna shaldyǵý deregi tirkelgen joq. Alaıda ártúrli janýarlardyń tisteýinen, tyrnaýynan, silekeıleýinen zardap shegip, medıtsınalyq kómekke 290 adam júgingen, Byltyrǵy jyldyń dál osyndaı merzimimen salystyrǵanda zardap shekkender sany 20,5 paıyzǵa tómendegen.
«Jaraqat alǵandardyń basym kópshiligin qala turǵyndary quraıdy. Olardyń 90 paıyzdan astamy ıtten alǵan zaqymdaný quraıdy. Janýarlardan zardap shekkenderdiń barlyǵyna tolyqtaı qaýipti qutyrma aýrýyna qarsy egý taǵaıyndaldy. Janýarlardan jaraqat alyp, medıtsınalyq kómekke júgingen árbir adamnyń tıisti antırabııalyq egýmen qamtylýyna qalalyq jáne barlyq aýdandyq sanıtarııalyq-epıdemıologııalyq baqylaý qyzmetimen apta saıyn monıtorıng júrgizilýde», - dep málim etti Qyzylorda oblystyq Sanıtarııalyq-epıdemıologııalyq baqylaý departamentinen.
Eske salsaq, Qyzylordada Kongo-qyrym qandy bezgek qaýpi bar 116 eldi meken anyqtaldy.
1
