Qyzylordada janarmaı quıylǵan tsısterna órtendi

NUR-SULTAN. QazAqparat - Qyzylorda oblysy Qazaly aýdanynyń ortalyǵy - Áıteke bı kentinde munaı bazasy aýmaǵynda janarmaıy bar tsısterna órtendi, dep habarlaıdy QazAqparat tilshisi.

Atalǵan oqıǵa búgin, 16 qyrkúıekte saǵat 13.16- da Qazaly aýdanynyń ortalyǵy - Áıteke bı kentindegi munaı bazasynda bolǵan.

«Munaı bazasynyń aýmaǵyndaǵy temirjolda turǵan janarmaı qaldyǵy bar tsısterna órtendi. Jergilikti seriktestiktiń birine tıesili tsısternanyń syıymdylyǵy 65 tonnany quraıdy. Tótenshe jaǵdaılar salasy mamandarynyń kúshimen órt 13.35-te sóndirildi. Qaza bolǵandar men zardap shekkender joq. Órttiń shyǵý sebebi anyqtalýda», - dedi Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.

Eske salsaq, budan buryn Qyzylorda qalasynda káriz stantsııasynda eki jumysshy ýlanyp kóz jumdy.