Qyzylordada janar-jaǵar maı baǵasy arzandaıdy
QYZYLORDA. QazAqparat - Qyzylordadaǵy barlyq janar maı quıý beketterinde janar maıdyń baǵasynyń kóterilýine Shymkenttegi munaı ónimderin óńdeý zaýytynyń kúrdeli jóndeýden ótýi sebep bolǵan. Bul týraly «Syr medıa» JShS janyndaǵy kommýnıkatsııalar ortalyǵynda ótken brıfıngte oblystyq kásipkerlik jáne týrızm basqarmasy basshysynyń orynbasary Ǵalymjan Mustafaev málimdedi.
Onyń aıtýynsha júrgizýshiler arasynda suranysqa ıe AI-92, AI-95 markaly benzın jáne dızıldiń baǵasy aıtarlyqtaı qymbattaǵan.
«Qazirgi tańda Shymkenttegi zaýyttyń kúrdeli jóndeý jumystary aıaqtalyp, qarasha aıynyń 20-nan bastap janar-jaǵar maı taratýdy bastaıdy. Osyǵan oraı janar-jaǵar maıdyń baǵasy tómendeıdi dep kútilýde», - deıdi Ǵalymjan Mustafaev.
