Qyzylordada jańa jyldyń alǵashqy kúninde 38 náreste dúnıege keldi

QYZYLORDA. QazAqparat - Qyzylordadaǵy oblystyq perınataldyq ortalyqta jańa jyldyń alǵashqy kúninde 38 náreste jaryq dúnıe esigin ashty, dep habarlaıdy QazAqparat tilshisi.

Sábılerdiń basym bóligi - er balalar. Tyshqan jylynyń birinshi táýliginde 26 er bala ómirge kelgen.

Aıta keterligi, oblystyq perınataldyq ortalyqta jylma-jyl 10-11 myńnan astam bala dúnıege keledi. Ol oblys boıynsha kórsetkishtiń 60 paıyzǵa jýyǵyn quraıdy.

«Jaqynda oblystyq perınataldyq ortalyqtyń 80 jyldyq mereıtoıyn atap óttik. Ortalyqtyń materıaldyq-tehnıkalyq jaǵdaıy jaqsara tústi. Sońǵy jyldary zamanaýı medıtsınalyq qurylǵylarmen jabdyqtaldy. Dárigerler shetelderde oqýǵa jáne tájirıbe almasýǵa múmkindik aldy. Nátıjesinde nárestelerdiń shetineýi tómendedi», - dedi Qyzylorda oblystyq perınataldyq ortalyǵynyń dárigeri Eraly Baqtybaev.