Qyzylordada jańa jyldyq bezendirýlerdi qıratqan buzaqylar ustaldy

QYZYLORDA. QazAqparat - Qyzylordada polıtsııa jańa jyldyq bezendirýdi qıratqan buzaqylardy oqıǵa ornynda ustaldy, dep habarlaıdy QazAqparat tilshisi.

Oqıǵa búgin tańǵy saǵat 06.45-ter shamasynda bolǵan. 20-26 jas aralyǵyndaǵy úsh qyzylordalyq jeńil avtokólikpen oblys ortalyǵyndaǵy Ortalyq alańǵa barǵan. Jigitter Jańa jyldyq shyrsha mańynda bezendirilgen úıshikti syndyryp tastaǵan.

«Polıtsııa jasaǵy oqıǵa ornynda 3 buzaqyny ustady. Olar mingen avtokólik aıyp turaǵyna qoıyldy. Qoǵamdyq tártipke qarsy jasalǵan áreket úshin ustalǵan azamattar tıisti jazasyn alatyn bolady. Óz kezeginde jas jigitter áreketterine ókinetinin aıtyp, keshirim surady», - dep málim etti Qyzylorda oblystyq polıtsııa departamentiniń bspasóz qyzmeti.