Qyzylordada Jańa jyl túni 13 sábı dúnıege keldi
QYZYLORDA. QazAqparat - Qyzylorda oblysynda Jańa jyl túni 13 sábı dúnıege keldi, dep habarlaıdy QazAqparat tilshisi.
Bul jóninde oblystyq densaýlyq saqtaý basqarmasy málim etti.
Basqarmanyń málimetinshe, dúnıege kelgen sábılerdiń 8-i ul, 5-ýi qyz bala.
«Óńirde 31-i jeltoqsan kúngi saǵat 08.00-den 1 qańtar saǵat 08.00-ge deıin barlyǵy 68 náreste dúnıe esigin ashty. Olardyń 35-i ul, 33-i qyz bala. Búginde bosanǵan barlyq ana men náresteniń jaǵdaıy qalypty, olar dárigerler baqylaýynda», - dep málim etti basqarmadan.
Eske sala ketsek, Ulttyq ǵylymı ana men bala densaýlyǵy ortalyǵynyń habarlaýynsha, 31 jeltoqsannan 1 qańtarǵa qaraǵan kúni elimizde 363 sábı jaryq dúnıe esigin ashty. «363 sábıdiń 185-i – ul bala bolsa, 177-i – qyz bala. Sábılerdiń ómirge kelýi boıynsha Túrkistan oblysy kósh bastap tur. Bul oblysta 59 sábı dúnıege kelgen», - delingen habarlamada.
