Qyzylordada jańa sport kesheni ashyldy
QR Táýelsizdiginiń 30 jyldyǵy qarsańynda 800 kelýshige arnalǵan «Naman ata» sport kesheni ashyldy. Onda jas órender qazaq kúresi, dzıýdo, sambo, taekvondo, boks, grek-rım kúresi, karate sekildi 8 sport túrimen aınalysa alady. Barlyq úıirme tegin júrgiziledi. Jańa sport kesheninde kásibı dárejedegi 14 jattyqtyrýshy qyzmet atqarady.
«Kúni keshe qalamyzda «Naman ata» sport kesheniniń ashylý saltanatyna senat tóraǵasy Máýlen Áshimbaev pen oblys ákimi Gúlshara Ábdiqalyqova qatysty. Sport kesheniniń ashýdaǵy basty maqsatymyz – Syr eliniń jastaryn salaýatty ómir saltyna shaqyryp, óńirimizde sport salasyn damytýǵa atsalysý»,- dedi sport keshenin ashýǵa qoldaý kórsetken metsenat Murat Sársenbaev.
Aıta ketsek, barlyq sport túrlerine bes jastan bastap tegin jazylýǵa bolady.
«Men taekvondaǵa 12 jyl qatarynan qatysyp kelemin. Qazirgi tańda 100-ge jýyq qatysýshy tirkeldi. Balalardy jetistikke jetkizý úshin ynta men eńbek kerek. Úzbeı jattyǵyp tursa mindetti túrde jetistikke jetedi. Men úshin jattyqtyrýshy bolýdyń ózi úlken jaýapkershilik», - dedi Nuraı Maratqyzy.
