Qyzylordada jańa qus fabrıkasynyń irgetasy qalandy
Jýyrda Aqtóbe aýylynda aımaq úshin mańyzdy kásiporynnyń irgetasy qalandy. Igi bastamanyń saltanatty sátine oblys ákimi Qyrymbek Kósherbaev qatysyp, turaqty suranystaǵy ınvestıtsııalyq joba aýyldaǵy aǵaıynnyń ál-aýqatyn kóterýge septigin tıgizetinin aıtqan bolatyn.
Qus etin óndiretin fabrıka aldaǵy ýaqytta qarmaqshylyqtardyń qajetine jaramaq. Sharýashylyq jetekshisi, «Aqtóbe ı K» JShS dırektory Nurlan Іzdibaev óńirler kásipkerligin qoldaý kartasy negizinde júzege asqan joba jańa baǵyttardy qamtıtynyn alǵa tartady.
Sharýashylyq qusqa qajetti jem-shópti ózderinde daıyndaýdy josparlap otyr. Qazirgi tańda memleketten aýyldarda jem-shóp kólemin ulǵaıtý maqsatynda eginge qajetti jerlerdi ashýǵa qarjy qarastyrylýda. Endi seriktestik aldynda osy baǵdarlama negizinde jobany júzege asyrý mindeti tur. Kásiporyn iske qosylǵanda jylyna 1500 tonna qus eti óndirilmek.
Sońǵy jyldary atalǵan salada kooperatıvter qurý men sút, et ónimderiniń kólemin arttyrýǵa erekshe kóńil bólinýde.
Eske sala keter jaıt, Elbasy óziniń Ult jospary - bes ınstıtýtsıonaldyq reformany júzege asyrý jónindegi 100 naqty qadam eńbegin et ónimderine qatysty naqty mindetter júktedi. 61-qadamda: Et óndiris men óńdeýdi damytý úshin strategııalyq ınvestorlardy tartý mindetin qoıdy. Negizgi mindet shıkizat bazasyn damytý jáne óńdelgen ónimderdi eksporttaý bopyp tabylady.
