Qyzylordada jalǵan shot-faktýralardy jazý qylmysy anyqtaldy
QYZYLORDA. QazAqparat - Qyzylorda oblysynda bıylǵy jyldyń 9 aıynda ekonomıkalyq tergeý qyzmetiniń óndirisinde bolǵan 127 qylmystyq is boıynsha 1,6 mlrd teńge zalal kelgen, dep habarlaıdy QazAqparat tilshisi.
Aǵymdaǵy jyldyń toǵyz aıynda ekonomıkalyq tergeý qyzmetiniń óndirisinde 127 qylmystyq is bolǵan. Olardyń arasynda 83 qylmystyq is aıaqtalyp, onyń 43-i sotqa joldandy.
«Qylmystardyń sıpaty negizinen jalǵan shot-faktýralardy jazý, munaı jáne munaı ónimderiniń zańsyz aınalymy, memlekettik jáne kvazı memlekettik sektorlarda bıýdjet qarajatyn jymqyrý bolyp keledi. Sonymen qatar, ekonomıkalyq qylmystar jalǵan aqsha jasaýmen, zańsyz oıyn bıznesin uıymdastyrýmen, aktsızdeletin taýarlardyń zańsyz aınalymymen baılanysty jáne salyq, keden salasynda anyqtalýda», - dep málim etti Qyzylorda oblystyq ekonomıkalyq tergeý qyzmetiniń baspasóz mamandary.
Aıaqtalǵan qylmystyq ister boıynsha anyqtalǵan zalal mólsheri 1,6 mlrd teńgeni qurap otyr. Onyń ishinde toǵyz aı qorytyndysymen 790 mln teńgeniń zalaly óndirildi. Sondaı-aq, 29,8 mln. teńgeniń múlkine tyıym salyndy.
