Qyzylordada jalǵan shot-faktýralar jasaǵan seriktestik basshysy jazaǵa tartyldy
Atalǵan azamat jergilikti seriktestiktiń birine basshylyq etken. Ol 2019-2020 jyldarda birneshe seriktestik basshysymen kelisimge kelip, jalǵan shot-faktýralar men oǵan tıisti qujattar jasap bergen. Qujattarda talap etken somaǵa baılanysty ártúrli taýardy satyp, qyzmet kórsetip, esep aıyrysqany jóninde málimetter kórsetilgen.
«Shot-faktýralarda kórsetilgen somalardan túrli mólsherde syıaqy alyp otyrǵan. Alaıda, seriktestiktiń atalǵan qyzmetti kórsetý úshin jumyskerler shtaty, múlki, qoıma oryndary men óndiristik-tehnıkalyq bazasy bolmaǵan. Alty seriktestik odan jalpy somasy 233 mln 809 myń teńgeniń jalǵan shot-faktýrasyn satyp alǵan. Qyzylorda oblysy boıynsha memlekettik kirister departamenti mamandarynyń esebine jáne sot-saraptama qorytyndysyna sáıkes bıýdjetke barlyǵy 73 mln 367 myń teńge salyq tólenbegeni anyqtaldy», - dep málim etti Qyzylorda oblysy boıynsha ekonomıkalyq tergep-tekserý departamentinen.
Vedomstvo málimetinshe, sot sheshimimen ǵan QR Qylmystyq kodeksiniń 216-baby 1-bóligimen bir jyl alty aı merzimge bas bostandyǵyn shekteý jazasy taǵaıyndalǵan. Barlyq merzimge probatsııalyq baqylaý belgilendi.
Eske salsaq, budan buryn Qyzylordada tanysynan 17 mln teńge aldap alǵan áıel ustaldy.
