Qyzylordada jalǵan shot-faktýra jazyp beretin qylmystyq top ustaldy

NUR-SULTAN. QazAqparat – Qarjylyq monıtorıng agenttiginiń Qyzylorda oblysy boıynsha aýmaqtyq departamenti eki jyl boıy jalǵan shot-faktýralardy jazyp berýmen aınalysqan uıymdasqan qylmystyq toptyń qyzmetiniń jolyn kesti, dep habarlaıdy QazAqparat.

Qarjylyq barlaý «NaýryzStroıProekt» JShS basshysy men 5 jaýapty tulǵasy júıeli negizde birqatar kásiporyndarǵa sharttyń jalpy somasynyń 6% mólsherinde syıaqy úshin jalǵan býhgalterlik qujattar jazyp bergeni anyqtady.

Budan ári tergeý «NaýryzStroıProekt» JShS-niń qyzmetkerler shtaty, múlki jáne óndiristik-tehnıkalyq bazasy joq ekenin, al qujattarda kórsetilgen jumystar (qyzmetter) is júzinde oryndalmaǵanyn anyqtady. Nátıjesinde memleketke 687 mıllıon teńge kóleminde zalal keltirildi.

Qylmystyq toptyń úsh múshesi 2 jylǵa bas bostandyǵynan, taǵy úsheýi 2 jylǵa shartty túrde sottaldy.

105 mıllıon teńge kóleminde keltirilgen zııannyń bóligi memleket kirisine óndirilip alyndy.