Qyzylordada jalǵan kýálik arqyly nesıe alǵan alaıaq sottaldy
QYZYLORDA. QazAqparat - Qyzylordada jalǵan jeke kýálik arqyly nesıe alyp, alaıaqtyq jasaǵan adam sottaldy, dep habarlaıdy QazAqparat tilshisi.
Alaıaqtyq jasaǵan jigit jalǵan kýálikti Almaty qalasynda jasatqan. Basqa azamattyń atyna rásimdelgen kýálik úshin ol 20 myń teńge sanap bergen.
Budan keıin Qyzylorda qalasyna kelgen. Bankterdiń biriniń jergilikti fılıalynan jalǵan nesıe jasaýǵa nıettenedi. Osylaısha bank qyzmetkerin aldap, nesıe alǵan. Onyń jalpy kólemi 4 mln 874 myń teńgeni qurady. Alǵan aqshany óz qajetine jumsaǵan.
«Nátıjesinde Qyzylorda oblysy boıynsha bank fılıalyna 4 eleýli kólemde múliktik zııan kelgen. Sottalýshy QR Qylmystyq kodeksiniń 190-babynyń 3-bóliginiń 1-tarmaǵymen kináli dep tanyldy. Oǵan 4 jyl 6 aıǵa bas bostandyǵynan aıyrý jazasy taǵaıyndaldy», - dep málim etti Qyzylorda qalasynyń №2 sotynyń baspasóz qyzmeti.
