Qyzylordada jalǵan dollar jasaǵandar sottaldy
QYZYLORDA. QazAqparat - Qyzylordada jalǵan aqsha jasaǵandar jazaǵa tartyldy, dep habarlaıdy QazAqparat tilshisi.
Atalǵan qylmystyq is Qyzylorda qalalyq sotynda qaraldy. Jalǵan aqsha jasaýmen eki azamat aınalysqan. Olar ózderiniń oılaryn iske asyrý úshin qala ortalyǵynan páter jaldaǵan. Osynyń nátıjesinde olar 10 myń teńge men 100 dollar beınesinde jalǵan banknottar jasaǵan. Bul azamattar atalǵan qylmystyq isin sot barysynda moıyndady.
«Tergep-tekserý barysynda kúdiktiler óz kinálerin tolyq moıyndady. Osyndaı derekterdi negizge ala otyryp, olarǵa tıisti jazalar taǵaıyndaldy», - dedi qalalyq sottyń sýdıasy Ańsat Sultanbekov.
Qalalyq sot úkimimen sottalýshy Sh degen azamat 5 jyl úsh aı, al taǵy bir Z. esimdi sottalýshy 5 jyl bas bostandyǵynan aıryldy.
