Qyzylordada jalǵan dıplommen jumys istegen sheteldikter anyqtaldy
Oblystyq prokýratýra osy baǵytta tekserý júrgizgen bolatyn. Nátıjesinde elimizdiń kóshi-qon zańyn buzǵan jáne jalǵan qujattarmen jumysqa ornalasqan shetel azamattary anyqtaldy.
«Jumys kúshin tartýǵa zańsyz ruqsat alǵan kompanııa 120 shetel azamatynyń jalǵan dıplommen jumys isteýine jol bergen. Tekserý qorytyndysy boınysha olardyń barlyǵy respýblıka aýmaǵynan shyǵaryldy», dep málim etti Qyzylorda oblystyq prokýratýrasynyń baspasóz hatshysy Ǵabıt Uzaqbaı.
Onyń habarlaýynsha, túrli mekemelerdiń jalaqy bereshegin azaıtý baǵytynda da naqty jumystar júrgizilip keledi. Budan buryn túrli mekemelerde jumysshylarǵa 150 mln teńge qaryz qalyptasqan. Prokýrorlardyń aralasýynan keıin myńdaǵan azamattyń jalaqysy óndirildi. Qazir bereshek qaryz on esege tómendedi.