Qyzylordada jalǵa beriletin 54 turǵyn úı salynyp jatyr
Bıyl Qyzylorda qalasynda Syrdarııa ózeniniń sol jaǵalaýyndaǵy 590 páterli kópqabatty 12, Shıeli aýdanynda 72 páterli 4, Syrdarııa aýdanynda bir qabatty 33 turǵyn úı paıdalanýǵa beriledi dep josparlanyp otyr. 2021 jyldyń qorytyndysy boıynsha óńirde jalǵa beriletin 695 páterli 49 turǵyn úı paıdalanýǵa beriledi. Onyń ishinde, 232 páter halyqtyń áleýmettik jaǵynan osal toptaryna, 463 páter az qamtylǵan kópbalaly otbasylarǵa bólinedi.
Bıyl az qamtylǵan kópbalaly otbasylar úshin jalǵa beriletin 342 páter satyp alý maqsatynda Ulttyq qordan qarjy bólindi. Onyń ishinde Qyzylorda qalasynda - 192, aýdandar boıynsha Aralda - 35, Qazalyda - 35, Qarmaqshyda - 10, Jalaǵashta - 20, Syrdarııada - 10, Shıelide - 20, Jańaqorǵanda - 20 úı satyp alynady. Sondaı-aq, Baıqońyr qalasynda jalǵa beriletin 250 páterli 5 úıdiń qurylysy bastalady dep josparlanyp otyr.
Bul málimetter oblys ákimi Gúlshara Ábdiqalyqovanyń tóraǵalyǵymen ótken turǵyn úı qurylysy máseleleri jóninde jıynda talqylandy.
Jıyn barysynda oblys ákimi Qyzylorda qalasynyń ákimi Ǵanıbek Qazantaevqa jylýmen jabdyqtaýdyń syrtqy jelileriniń qurylysyn 15 qyrkúıekke deıin tolyq aıaqtaýdy, qysqa merzimde barlyq turǵyn úılerdi abattandyrý máselesin sheshýdi mindettedi. Sonyń nátıjesinde qazan aıynan bastap kezekte turǵan azamattardy qonystandyrýdy qamtamasyz etilýi tıis. Al, Syrdarııa aýdanyna qarasty eldi mekenderdegi jalǵa beriletin 33 turǵyn úıdiń qurylysyn aıaqtap, az qamtylǵan kópbalaly otbasylardy kezegi boıynsha qonystandyrýdy 1 qyrkúıekke deıin aıaqtaý qajet. Al Shıeli kentindegi 72 páterli 4 jalǵa beriletin turǵyn úıdiń qurylysyn aıaqtap, turǵyndar onda jeltoqsan aıyna deıin qonystanýy tıis. Baıqońyr qalasyndaǵy 5 úıdiń qurylysyn baqylaýǵa alynyp, az qamtylǵan kóp balaly otbasylar úshin páterlerdi satyp alýdyń bıylǵy josparyn oryndaý qajet.
Jıynda oblys ákimi tarapynan Syrdarııa ózeniniń sol jaǵalaýyndaǵy 50 páterlik úıdiń qurylysyn aıaqtaý jáne apatty úılerdiń turǵyndaryna páterlerdi kezegi boıynsha 1 qyrkúıekke deıin bólýdi qamtamasyz etý jáne nesıelik turǵyn úılerdegi satylmaǵan páterlerdiń sanyn anyqtap, apatty úılerdiń turǵyndaryna qaıta baǵyttaý tapsyryldy. Sondaı-aq, Aral aýdanyndaǵy apatty úılerde turatyn 14 otbasyn úımen qamtý boıynsha usynys engizý qajet ekenin aıtyldy.
Sońǵy alty aıda qurylys materıaldary men janar-jaǵarmaı baǵasynyń kún saıyn qarqyndy ósýi baıqalady. Júrgizilgen taldaýdyń nátıjesinde qurylys materıaldarynyń baǵasy smeta baǵasynan edáýir asyp túsetini anyqtaldy. ıAǵnı, materıaldardyń baǵasy qoldanystaǵy smeta baǵalarymen salystyrǵanda orta eseppen 96% ósken.
Oblys ákimi 10 paıyzdan astam qymbattaǵan barlyq salynyp jatqan qurylys nysandaryna taldaý júrgizýdi mindettedi. Oǵan qosa smeta qunyn ulǵaıtýdy talap etetin nysandar boıynsha qarjylyq aýdıt júrgizý úshin barlyq qajetti qujattardy ázirleýdi uıymdastyrý jóninde tapsyrma berildi.
Eske salsaq, Qyzylorda oblysynda jyl basynan beri 344,7 mlrd teńgeniń ónimi óndirildi.