Qyzylordada jalańash sýretterińdi jarııalaımyn, dep aqsha bopsalaǵan turǵyn ustaldy

ASTANA. QazAqparat – Qyzylorda oblysynda jalańash sýretterińdi jarııalaımyn dep qorqytyp, tanysynan aqsha bopsalaǵan jergilikti turǵyn ustaldy, dep habarlaıdy QazAqparat Polisia.kz saıtyna silteme jasap.

«Polıtsııaǵa 29 jastaǵy azamatsha aryz túsirdi. Tanysy áleýmettik jelige ıntımdik sıpattaǵy fotolardy jarııalaımyn dep qorqytyp, bopsalaý arqyly aqsha berýdi talap etken. Atalǵan derek boıynsha Qyzylorda qalalyq PB krımınaldy polıtsııa bóliminiń qyzmetkerleri jedel izdestirý jumystaryn júrgizip, nátıjesinde 33 jastaǵy oblys turǵynyn ustady. Zattaı dáleldemeler alyndy. Qazirgi tańda kúdiktige qatysty QR QK – niń 194 – babynyń 1 – bóligimen (Qorqytyp alýshylyq) sotqa deıingi tergep-tekserý áreketteri júrgizilýde. Kúdikti ýaqytsha ustaý ızolıatoryna qamaldy»,-dedi Qyzylorda qalalyq Polıtsııa basqarmasy anyqtaý bóliminiń polıtsııa aǵa leıtenanty Aıbek Turǵanbaı.