Qyzylordada zańsyz jumys istep kelgen dinı birlestik anyqtaldy

QYZYLORDA. QazAqparat - Qyzylorda oblysynda zańsyz jumys istep kelgen dinı birlestik anyqtaldy, dep habarlaıdy QazAqparat tilshisi.

Qyzylorda oblystyq Polıtsııa departamenti qala aýmaǵyndaǵy dinı birlestikterge tekserý júrgizdi. Nátıjesinde tıisti zańdylyqtarǵa baǵynbaı jumys júrgizgen dinı birlestikti anyqtady. Ol Qyzylorda oblystyq Ádilet departamentinde eshqandaı tirkeýden ótpegen.

«Atalmysh dinı birlestik basshysy men oǵan qatysqan 6 adam Qazaqstan Respýblıkasy Ákimshilik quqyqbuzýshylyq týraly kodekstiń 489-babyna sáıkes ákimshilik jaýapkershilikke tartyldy. Olarǵa tirkelmegen dinı birlestikke basshylyq jasaǵany jáne qatysqany úshin osyndaı jaza qoldanyldy», - dep málim etti Qyzylorda oblystyq Polıtsııa departamentiniń baspasóz qyzmeti.