Qyzylordada zańsyz saqtalǵan qarý-jaraqtardy qabyldaý aktsııasy bastaldy
QYZYLORDA. QazAqparat - Qoǵamdyq qaýipsizdikti qamtamasyz etý, atys qarýy men jarylǵysh zattardy qoldana otyryp jasalatyn qylmystar men quqyq buzýshylyqtardyń aldyn alý maqsatynda 10 sáýirden bastap respýblıka aýmaǵynda turǵyndardan zańsyz saqtalǵan atys qarýyn, oq-dáriler men jarylǵysh zattardy satyp alý boıynsha kezekti aktsııa ótkizilýde. Bul týraly QazAqparat HAA tilshisi oblystyq ІІD silteme jasap habarlady.
Qazirgi tańda barlyq qalalyq jáne aýdandyq ishki ister bólimderinde azamattar tapsyrǵan atys qarýynyń, jarylǵysh zattardyń, oq-dáriniń tehnıkalyq jaı-kúıi men olardy tapsyrǵany úshin syıaqy belgileý jónindegi komıssııa quryldy.
Zańsyz saqtalǵan atys qarýyn, oq-dárini jáne jarylǵysh zattardy óz erkimen tapsyrǵan azamattar qylmystyq jáne ákimshilik jaýapkershilikterge tartylmaıdy. Ol azamattarǵa tapsyrǵan qarýynyń, jarylǵysh zattardyń, oq-dáriniń túrine jáne tehnıkalyq jaı-kúıine baılanysty aılyq eseptik kórsetkishtiń 10-nan 100-ge deıingi mólsherinde syıaqy taǵaıyndalady.
2016 jyly azamattardan barlyǵy zańsyz saqtalǵan 344 qarý ótemdi túrde qabyldansa, olardyń 312-si tegis uńǵyly ańshy myltyǵy, 32-si ıir oıyqty ańshy qarýy, 235 dana qarýdyń oq-dárileri. Oblys kóleminde 2014 jyly turǵyndar arasynda qarý-jaraq ótkizgen 292 azamatqa barlyǵy 15 000 000 teńge tólengen.
