Qyzylordada zańsyz oıyn bıznesin uıymdastyrǵan turǵyn aıyppul tóleıdi
QYZYLORDA. QazAqparat - Qyzylorda oblysy Jańaqorǵan aýdanynda zańsyz oıyn bıznesin uıymdastyrǵan turǵyn jazaǵa tartyldy, dep habarlaıdy QazAqparat tilshisi.
Jańaqorǵan aýdandyq soty onyń ústinen Qazaqstan Respýblıkasy Qylmystyq Kodeksiniń 307-babynyń 1-bóligi boıynsha qylmystyq is qozǵaǵan. Ol aýdan ortalyǵyndaǵy Abdolla-Altyı Súleımen kóshesi men Saǵyrbaev kósheleri qıylysynda oryn tepken bir bólmeli keńseden oıyn mekemesin zańsyz ashqan. Bul jerge oǵan qajetti tehnıkalardy jabdyqtaǵan.
«Sonyń nátıjesinde ǵalamtor arqyly utys tiktirip, oıyndar oınatqany anyqtaldy. Sotta qaraý barysynda sottalýshy Sh. óziniń kinásin tolyq moıyndady. Atalmysh áreketine shyn júrekten ókinetinin kórsetti. Sot úkimimen ol kináli dep tanylyp, oǵan 250 AEK mólsherinde 601250 teńge aıyppul salyndy», dep jazylǵan Jańaqorǵan aýdandyq soty taratqan habarlamada.
