Qyzylordada zańsyz qarý tasymaldaýdyń 5 deregi tirkeldi
QYZYLORDA. QazAqparat - Qyzylorda oblysynda «Quqyq tártibi» jedel profılaktıkalyq is-sharasy ótkizilýde, dep habarlaıdy QazAqparat tilshisi.
Bul shara oblys kóleminde qoǵamdyq tártipti saqtaý jáne qylmystyń aldyn alý maqsatynda qolǵa alyndy. Atalǵan shara 30 qarashaǵa deıin sozylady.
Oblystyq polıtsııa departamentiniń málimetinshe, is-sharanyń alǵashqy kúninde 290 ákimshilik quqyq buzýshylyq anyqtalǵan. Sondaı-aq, zańsyz qarý tasymaldaýdyń 5 deregi tirkeldi.
Syrdarııa aýdanynda 23 jastaǵy azamatty ishki ister organdarynda tirkeýde joq bir uńǵyly, 12-kalıbrli ańshy myltyǵyn zańsyz alyp júrgeni belgili boldy.
Al Shıeli aýdany Qodamanov aýylynyń 39 jastaǵy turǵyn da tirkeýde joq bir uńǵyly ańshy myltyǵyn zańsyz alyp júrgeni anyqtaldy.
«Atalǵan derekter boıynsha QR Ákimshilik quqyq buzýshylyq kodeksiniń 482 babymen ákimshilik hattamalar rásimdelip, sotqa joldandy. Bul baǵyttaǵy jumystar jalǵasýda», - dep málim etti Qyzylorda oblystyq polıtsııa departamentiniń baspasóz qyzmeti.
Esterińizge sala ketelik, Qyzylordada jyl basynan beri 1 myńǵa jýyq adam mas kúıinde kólik júrgizgen.
