Qyzylordada zańsyz eki oıynhana bıznesiniń joly kesildi
Bul maqsatta Qyzylorda oblysy prokýratýrasy jáne Polıtsııa departamentiniń Uıymdasqan qylmysqa qarsy kúres basqarmasynyń qyzmetkerleri tarapynan arnaıy jedel sharalar júrgizildi. Nátıjesinde oblys ortalyǵynda jasyryn túrde zańsyz qumar oıyndary boıynsha qyzmet jasaıtyn eki oıynhana anyqtaldy.
«Uıymdastyrýshylar bul maqsatta eki páterdi jalǵa alǵan. Ol jerden polıtseıler 400 myń teńgeden astam aqsha jáne 15 kompıýter tárkiledi. Bul derek boıynsha QR Qylmystyq kodeksiniń 307-babynyń 2-bóligimen (Zańsyz oıyn bıznesin uıymdastyrý) sotqa deıingi tergep-tekserý áreketi bastaldy.
Qylmysqa kúdikti Qyzylorda qalasynyń eki turǵyny ustalyp, olardyń basqa da sybaılastary anyqtalýda», - dep málim etti Qyzylorda oblystyq polıtsııa departamentinen.
Eske salsaq, Qyzylorda oblysynda «Qarasora-2023» is-sharasy aıasynda esirtki ósirgen 23 adam qolǵa tústi.
