Qyzylordada zańdastyrylyp jatqan kólikterdiń basym bóligi Reseıden jetkizilgen
Elimizde 23 qańtardan bastap sheteldik avtokólikterdi zańdastyrý bastaldy. Soǵan sáıkes óńirde qazirge deıin 1050 adam tıisti qujatyn aldy.
«Qujaty tolyq azamattar memlekettik nómirlik belgisin alyp, óz kólikterin sátti zańdastyryp úlgerdi. Azamattarǵa halyqqa qyzmet kórsetý ortalyǵyndaǵy mamandar kómektesip jatyr. Qazirge deıin zańdastyrylǵan kólikterdiń kópshiligi Reseı, Armenııa, Grýzııadan jetkizilgen. Sondaı-aq, basym bóligi - «Daewoo Nexia» markaly avtomobılder», - dep málim etti Qyzylorda oblystyq polıtsııa departamentinen.
Vedomstvo málimetinshe, halyqqa qyzmet kórsetý ortalyǵynda mamandardan keńes alyp, baza boıynsha qujattardy tekserýge múmkindik bar.
Árbir ótinim jeke qaralady. Qosymsha suraqtar týyndaǵan avtokólik ıelerine qajetti usynystar beriledi.
Eske salsaq, budan buryn on myńynshy qazaqstandyq shetelden ákelgen kóligin zańdastyrdy.
Foto: Qyzylorda oblysy PD baspasóz qyzmeti
