Qyzylordada volonterler tótenshe jaǵdaıdyń aldyn alý sharalaryna qatysty
Oǵan QR Memlekettik qyzmet isteri agenttiginiń Qyzylorda oblysy boıynsha departamenti jáne QR Prezıdentiniń janyndaǵy Memlekettik basqarý akademııasynyń oblystyq fılıaly ujymdary qatysty.
Departament pen fılıal qyzmetkerleri darııanyń Qyzylorda qalasynyń tusyndaǵy qaýipti sanalatyn 5 aýmaqtyń birinde jaǵalaý nyǵaıtý jumystaryna kómektesti. Keńse qyzmetkerleri qapqa topyraq toltyryp, olardan bóget jasady. Bul jumystardyń oıdaǵydaı júzege asýyna tótenshe jaǵdaı salasynyń mamandary jetekshilik etti.
«Volonterlik bizge jat emes. Halqymyzda ata-babamyzdan kele jatqan asar jasaý, jylý jınaý, erýlik berý sekildi izgi dástúrler bar. Bıyl Eriktiler jyly aıasynda qoǵamǵa paıdaly sharalar jasalýda. Biz de sol ıgi iske qoldaý kórsettik. Eriktiler bilim, medıtsına, mádenıet, sport, ekologııa, áleýmettik qaıyrymdylyq jáne basqa da baǵyttarda kómek kórsetýde», - deıdi departament basshysy Nurman Talqanbaev.
Esterińizge sala ketelik, QR Memlekettik qyzmet isteri agenttigi tarapynan eriktiler jyly aıasynda elimizdegi memlekettik qyzmetshiler arasynda #Igiisterýaqyty bastamasy bastaý alǵan edi.
