Qyzylordada volonterler muqtaj otbasylarǵa úshinshi baspana salyp jatyr
Bul isti «Jańarǵan Jańaqorǵan jastary» qoǵamdyq qorynyń eriktiler toby qolǵa alyp otyr. Osylaısha olar baspanaǵa muqtaj otbasylarǵa qol ushyn sozyp keledi. Buǵan deıin eriktiler qazaq halqynyń asar ádisin jańǵyrtý arqyly eki baspana salyp, ony jaǵdaıy tómen eki otbasyna tartý etti . Atap aıtqanda, alǵashqy jyly jalǵyzbasty ana Aqzıla Isamametovaǵa baspana berilse, byltyr jańa turǵyn úı kiltine ekinshi top múgedegi, jalǵyzbasty ana Anar Belasarova ıe boldy.
«Aıta keterligi, bizdiń bul isimiz aýdan turǵyndary tarapynan keńinen qoldaý taýyp otyr. Asar ádisi arqyly árbir azamat óziniń qolynda bar dúnıeni baspana salýǵa ákep beredi. Bul oraıda jergilikti turǵyndardyń erekshe belsendiligin aıta ketkenimiz abzal. Árbir baspanany salý barysynda eriktiler tobynyń múshesi Danııar Dosantaevtyń eńbegi erekshe. Ol irgetastyń qalanǵan sátinen turǵyn úı salynyp bitkenshe istiń basy-qasynda júrdi. Qoǵamdyq qor tóraǵasy Erkinbek Aınaqojaev jáne ózge de jigitterdiń janashyrlyǵy arqasynda osylaısha jylma-jyl muqtaj jandarǵa turǵyn úı salý isi jolǵa qoıyldy», - dedi eriktiler tobynyń múshesi Ábdisamat Ábdish.