Qyzylordada voleıboldan halyqaralyq týrnır ótti

QYZYLORDA. QazAqparat - Qyzylordada memleket jáne qoǵam qaıratkeri Dinmuhamed Qonaevty eske túsirýge arnalǵan voleıboldan ardagerler arasyndaǵy halyqaralyq týrnır máresine jetti, dep habarlaıdy QazAqparat tilshisi.

Syr óńirinde tuńǵysh ret uıymdastyrylǵan jarysqa Ózbekstan, Qyrǵyzstannan, elimizdiń Nur-Sultan, Almaty, Baıqońyr qalalary men Almaty, Jambyl, Túrkistan, Shyǵys Qazaqstan, Mańǵystaý Qyzylorda oblystarynan 12 komanda baq synady. Týrnırde jasy 50-den asqan ardager sportshylar saıysqa tústi.

Jarystyń qurmetti qonaǵy retinde qoǵam qaıratkeri Oljas Súleımenov qatysyp, Almaty qalasynyń KazNAÝ komanda quramynda oıyn kórsetti. Aıta keteıik, budan buryn halyqaralyq týrnır Almaty, Taraz, Atyraý qalalarynda ótkizilip kelgen bolatyn.

Úsh kúnge sozylǵan jaryst nətıjesinde KazNAÝ komandasy jeńimpaz atandy. Al Baıqońyr voleıbolshylary ekinshi, Shyǵys Qazaqstan jəne Túrkistan oblystary úshinshi oryn aldy.